Markaðsmál í niðursveiflu. Fyrsti hluti

 

Ég ætla að fara aðeins yfir markaðsáherslur sem geta hjálpað fyrirtækjum í efnahagsniðursveiflu. Þetta er fyrsta grein af nokkrum sem ég mun skrifa um málið.

 

Fjárfesta í vörumerkjum!

Ein af helstu mistökum fyrirtækja í niðursveiflu er að skera fyrst niður í markaðsmálum.

Það segir sig sjálft að fyrirtækin sjá fram á mögulega tekjuskerðingu vegna niðursveiflu í þjóðfélaginu  og þeir bregðast við henni með því að skera niður í helstu kostnaðarliðum sem hægt er að skera nokkuð auðveldlega. Einn auðveldasti liður til að skera niður án þess að finna of mikið fyrir því til skamms tíma er markaðs- og auglýsingamál. En þessi hugsun er mjög skammtímalega sinnuð(short term orientated) þar sem að til mikils er að vinna til lengri tíma.

Þau fyrirtæki sem að halda áfram að fjárfesta í vörumerkjunum sínum munu finna markað þar sem það er líklegra að þau fái aðgang að góðum plássum í fjölmiðlum á lægri verðum en áður, markað þar sem að keppinautarnir hafa að öllum líkindum minnkað markaðsstarf sitt og eru minni sýnileg, og markað þar sem gott er að koma góðum og markvissum skilaboðum frá sér ef að vandað er til verks og vitnað til þeirra aðstæðna sem verið er að vinna í núna (viðskiptavinir eru mögulega mjög jákvæðir gagnvart vörum sem geta hjálpað þeim við þessar aðstæður).

Gott dæmi um þetta á Íslandi er „Risafrelsis" markaðsherferð Vodafone. Þeir eru að kynna  „nýja" (spinoff af eldri vöru) vöru mjög agressívt sem að á vel við í niðursveifluheimi (meira fyrir peninginn, ókeypis innan kerfis og fleiri vinir sem má hringja í án gjalds), þeir eru að öllum líkindum að fá ódýrara pláss í fjölmiðlum vegna minni samkeppni um þessi pláss og maður hefur ekki tekið jafnmikið eftir markaðsstarfi hjá Tal eða Símanum (a.m.k. ekki jafn mikið og maður átti von á) og því getur Vodafone mögulega náð óákveðnum (undecided) viðskiptavinum sem hefðu mögulega farið til keppinauta þeirra ef að þeir væru jafn agressívir á markaðnum og Vodafone.

Ég hef auðvitað engar tölur til að halda því fram að þessi herferð sé að skila inn þeim tekjum sem ég er að ætla mér en ég hef tekið eftir því að flestir sem ég tala við í markhópnum (15-30 ára myndi ég ætla) hafi tekið eftir auglýsingunni og jafnvel skipt til að nýta sér þessi kjör. Því tel ég að þessi herferð sé gott dæmi til að sýna fram á að fjárfesting í vörumerkjum á niðursveiflu tímum muni koma fyrirtækjum til góðs til lengri tíma

Ég myndi því hvetja öll fyrirtæki sem ætla sér vöxt í uppsveiflunni sem mun koma (á endanum) að fara að hugsa fram í tímann strax og fjárfesta í vörumerkjunum sínum núna þegar önnur fyrirtæki hafa ekki sýnina (vision) eða auðlindir (resources) til að láta rödd sína heyrast! Þeir munu græða á því til lengri tíma!

En það eru auðvitað aðrir hlutir sem þarf að taka tillit til og verður snert á þeim hlutum í næstu póstum.

Fyrsta færslan

Ætla að brjóta ísinn og skella inn fyrstu færslunni minni.

Mun fjalla um markaðs og stjórnunarmál á þessari síðu ásamt athugasemdum um þjóðmál og pólitík.

Vona að ég nái að skila af mér gæða efni og nái smá umræðu í gang!